Adil Tuniyaz

From Victims of 21st Century Concentration Camps
Jump to: navigation, search

See: Muhammad Salih Hajim


ئادىل تۇنىياز


ئادىل تۇنىياز 1970–يىلى قەشقەر ۋىلايىتىنىڭ قاغىلىق ناھىيىسىدە تۇغۇلدى، ئۇ تېنچ سەھرا مەنزىرىسى بىلەن دۆۋە–دۆۋە كىتابلار ئارىسىدا بالىلىقىنى ئۆتكۈزدى، ئۇنىڭ دادىسى ئوقۇتقۇچى بولۇپ، ناھايىتى كىچىك چاغلىرىدىلا ئۇنى شېئىر يېزىشقا رىغبەتلەندۈردى. ئۇ جەنۇبنىڭ خىلۋەت، جىمجىت، چەكسىز سۈكۈت بىلەن تولغان، قەدىمىي پۇراق بىلەن رەڭلەنگەن مەھەللىلىرى، تاغدەك كۆڭلى بار، مېھماندوست ئۇيغۇلار ئارىسىدا چوڭ بولدى. خەلقنىڭ يۈرەك سوقۇشى، جىگدە چېچەكلىرىنىڭ شىۋىرلىشى، ئاق قۇشقاچلارنىڭ كەپسىزلىك بىلەن پىچىرلىشى، ئالما دەرەخلىرىنىڭ ئۈنسىز ئوقۇغان قوشاقلىرى، يېرىم كېچىدىكى توقايلىقلاردىكى جىنلارنىڭ قىزىق ھېكايىلىرى، ئاجايىپ چوڭقۇر ھېكمەتكە ئىگە خەلق ئىغىز ئەدەبىياتى ئارىسىدا ئۆزىنىڭ شېئىرىيەت كوچىسىغا بولغان چەكسىز قىزىقىشىنى باشلىدى.


شائىر ئادىل تۇنىيازنىڭ ھازىرغىچە «سۆيۈپ قالسام سېنى ناۋادا»، «بويتاق شائىرنىڭ مەخپىيىتى»، «چۈمبەلدىكى كۆز»، «دېڭىزدا كوچا» ناملىق شىئىرلار توپلىمى، «پەيغەمبەر دىيارىدا كېچىلەر» ناملىق ماقالە–ئوبزورلار توپلىمى نەشىر قىلىندى.